Biznes pa TVSH: si duket kuponi fiskal
Nëse biznesi yt nuk është i regjistruar në TVSH, në FiskPro çdo artikull shitet me normën C (0%) dhe kuponi nuk shtyp numër TVSH-je, rreshta TVSH-je apo “TOTALI PA TVSH”. Mjafton të çaktivizosh “I regjistruar në TVSH” te Profili i biznesit.
Çka ndryshon në kupon
| Biznes në TVSH | Biznes pa TVSH | |
|---|---|---|
| Norma e artikujve | E (18%), D (8%), A (e përjashtuar) ose C (0%) | Gjithmonë C (0%) |
| Numri i TVSH-së | Printohet | Nuk printohet |
| Rreshtat e TVSH-së dhe totali pa TVSH | Printohen | Nuk printohen |
Si e vendos në FiskPro
- 01Hap Menaxho, Profili i biznesit.
- 02Çaktivizo “I regjistruar në TVSH” dhe shtyp “Ruaj”.
- 03Kontrollo që e njëjta zgjedhje është edhe te të dhënat e biznesit në fiskpro.com, që librat të dalin saktë.
Kjo duhet të përputhet me regjistrimin tënd te ATK. Nëse s'je i sigurt, pyete kontabilistin.
Po nëse një produkt ka normë tjetër?
Arka nuk lejon që një biznes pa TVSH të shesë artikull me normë 8% ose 18%. Para se të lëshohet kuponi, të tregon cili produkt duhet kaluar në normën C.
Kur regjistrohesh në TVSH
Ndize “I regjistruar në TVSH”, shto numrin e TVSH-së te Profili i biznesit dhe vendos normat e sakta te produktet. Njofto edhe kontabilistin: librat në FiskPro e ndajnë periudhën para dhe pas datës së regjistrimit në TVSH.
Normën e TVSH-së të çdo produkti e vendos kontabilisti yt, jo arka.