Numri i njësisë: ku e gjen, dhe çka shkruan kur s'ke njësi
Numrin e njësisë e gjen në ARBK: kërko biznesin me NUI-n, hape dhe shiko seksionin “Njësitë”, kolona “Numri i Njësisë”. Nëse biznesi s'ka asnjë njësi, te Numri i njësisë në FiskPro shkruaj NUI-n e biznesit.
Ku e gjen në ARBK
- 01Hap kërkimin e bizneseve në faqen e ARBK-së, “Kërkimi i Biznesit”.
- 02Te fusha “NUI” shkruaj NUI-n e biznesit dhe shtyp “KËRKO”.
- 03Hape biznesin tënd nga lista.
- 04Te seksioni “Njësitë”, kolona “Numri i Njësisë” ka numrin e çdo njësie. Kolona “Vendi” tregon ku është.
- 05Merr numrin e njësisë ku e ke arkën dhe shkruaje te “Numri i njësisë” në FiskPro.
“Njësitë 0” nuk është numër njësie
Në listën e rezultateve, kolona “Njësitë” tregon sa njësi ka biznesi, jo numrin e njësisë. 0 do të thotë që biznesi s'ka asnjë njësi të regjistruar.
ATK nuk e pranon 0 si Numër të njësisë: arka nuk regjistrohet me të.
Kur biznesi s'ka njësi
Nëse faqja e biznesit në ARBK s'ka seksion “Njësitë”, ose lista tregon 0, biznesi s'ka njësi. Atëherë te Numri i njësisë shkruaj NUI-n e biznesit, 9 shifrat. Kështu na udhëzoi ATK për bizneset pa njësi.
Kontrolloje numrin para se të shtypësh “Në rregull”: pas aktivizimit, Numri i njësisë i arkës nuk ndryshohet.
Ku shfaqet në kupon
Numri i njësisë shtypet lart në çdo kupon, dhe është pjesa e parë e numrit identifikues të SEF-it në fund të kuponit: Numri i njësisë, NUI-ja dhe arka, p.sh. 5130484-812345678-11.
ATK, Kërkesat Specifike Teknike dhe Funksionale, të dhënat e kuponit fiskal.