Si merret Kodi Unik për Fiskalizim në EDI

Çka është Kodi Unik për Fiskalizim

Është kodi që ATK ia jep biznesit për fiskalizim me softuer. Pa të nuk mund të përdorësh softuer fiskal: me të, arka jote regjistrohet te ATK dhe merr certifikatën e vet digjitale, me të cilën ATK e njeh nënshkrimin e çdo kuponi.

Kërkesa është për bizneset që fillojnë me softuer fiskal dhe për ato që kalojnë nga arka fiskale te softueri.

Njoftimi i ATK-së për tatimpaguesit, 09.07.2026: Publikohet versioni i ri i Sistemit Elektronik EDI.

Hapat në EDI

1. 01Hyr në EDI të ATK-së me qasjen e biznesit tënd.
2. 02Hap menynë “Fiskalizimi” dhe zgjidh “Kërkesë për Fiskalizim”.
3. 03Nëse biznesi e ka tashmë kodin, ATK e shfaq aty. Nëse jo, plotëso kërkesën dhe dërgoje.
4. 04Kur ATK ta lëshojë, kopjo Kodin Unik për Fiskalizim. Janë vetëm shifra.

Nëse EDI-n e biznesit ta mban kontabilisti, kodin e merr ai. Sa zgjat përgjigjja varet nga ATK, prandaj bëje kërkesën me kohë, para ditës kur do të fillosh.

Tri të dhënat e arkës

Kodi Unik për Fiskalizim

Vetëm shifra, nga EDI: Fiskalizimi, Kërkesë për Fiskalizim.

ID e arkës

Numri i arkës, p.sh. 1. Çdo arkë ka ID-në e vet, dhe një ID regjistrohet te ATK vetëm një herë.

Numri i njësisë

Numri që ARBK ia jep njësisë ku shet, p.sh. 5130484. Shtypet edhe në kupon.

Nëse s'i gjen ID-në e arkës ose Numrin e njësisë, na shkruaj dhe i gjejmë bashkë.

Ku i shkruan në FiskPro

1. 01Hap FiskPro dhe kyçu me llogarinë tënde. Te “Konfiguro këtë arkë (POS)”, NUI i biznesit plotësohet vetë.
2. 02Shkruaj Kodin Unik për Fiskalizim, ID-në e arkës dhe Numrin e njësisë, dhe shtyp “Regjistrohu në ATK”.
3. 03Kontrollo biznesin që shfaq ATK (emri, NUI, njësia, arka) dhe “Mjedisi: REAL”, pastaj shtyp “Në rregull”. Këto nuk ndryshohen pas aktivizimit.
4. 04Arka e merr certifikatën vetë, brenda aplikacionit, dhe je gati për shitjen e parë.

Kur diçka nuk shkon