A më duhet arkë fiskale?
Nëse biznesi yt duhet të lëshojë kupon fiskal, ke dy rrugë: një arkë fiskale, ose një Softuer Elektronik Fiskal (SEF) të certifikuar nga ATK, që punon në kompjuter me një printer termik. FiskPro është SEF i certifikuar nga ATK (Nr. i SEF 727172570835) për Windows dhe Mac.
Dy rrugët
| Arka fiskale | Softuer fiskal (FiskPro) | |
|---|---|---|
| Ku lëshohet kuponi | Në pajisjen fiskale | Në kompjuterin tënd, me printer termik |
| Pajisja | €200–500 | Kompjuteri që e ke |
| Instalimi | Teknik i autorizuar, €200–300 | E bën vetë, ose bashkë me ne në telefon |
| Mirëmbajtja | Rreth €100 në vit | E përfshirë |
Çmime tregu të raportuara nga kontabilistë dhe biznese, shtator 2026.
Kush duhet të lëshojë kupon fiskal?
Këtë e përcakton ligji dhe ATK, sipas veprimtarisë së biznesit. Për biznesin tënd, pyete kontabilistin ose zyrën tatimore.
Moslëshimi i kuponit fiskal gjobitet €150–2.000, sipas qarkullimit (Ligji 08/L-257, neni 101 §2 dhe §6). Pas tri gjobave në data të ndryshme brenda një viti kalendarik, pika e shitjes mbyllet për 7 ditë, dhe pas katër gjobave për 15 ditë (neni 101 §7). Mungesa e sistemit fiskal gjobitet €250–3.000 (neni 106).
Çka thotë ligji për arkat fiskale ekzistuese
Ligji po shkon drejt softuerit fiskal, por data e kalimit për arkat fiskale ekzistuese caktohet me vendim të Ministrit të Financave. Deri atëherë, arka jote fiskale mund të vazhdojë të punojë.
Udhëzimi Administrativ (MF) Nr. 01/2026, neni 50.
Më shumë: Ndërrimi nga arka fiskale
Sektorët me rregulla të veçanta
Disa sektorë e lidhin sistemin fiskal drejtpërdrejt me pajisjet e tyre: pikat e shitjes së karburanteve me pompat, taksitë me taksimetrin dhe automatët e vetëshërbimit. Te karburantet, për shembull, rregulli është: pa kupon fiskal, s'ka karburant.
FiskPro nuk i mbulon këta sektorë. Është për dyqane, kafene, restorante dhe shërbime.
Kërkesat specifike teknike dhe funksionale të ATK-së, nenet 27, 29 dhe 30.
Si fillon me softuer fiskal
- 01Merr Kodin Unik për Fiskalizim në EDI të ATK-së.
- 02Regjistrohu në fiskpro.com dhe paguaj faturën proforma me transfer bankar.
- 03Shkarko FiskPro, regjistro arkën dhe lidh printerin termik.
Më shumë: Si merret Kodi Unik për Fiskalizim në EDI, Po hap biznes: si fiskalizohesh