Si i llogarit pagat dhe e bën listën për EDI
Në FiskPro shkruan pagën bruto të çdo punëtori dhe FiskPro llogarit pensionin, tatimin në pagë dhe pagën neto sipas rregullave të ATK-së. Pasi e finalizon muajin, shkarkon listën për EDI dhe fletëpagesat.
Si llogaritet paga
- Pensioni
- Punëtori dhe punëdhënësi paguajnë secili 5% të pagës bruto, ose më shumë, deri në 15%, kur dakordohen.
- Paga që tatohet
- Paga bruto minus pensioni i punëtorit.
- Tatimi, punëdhënësi primar
- 0% deri në €250, 8% nga €250 deri në €450, dhe 10% mbi €450 të pagës që tatohet.
- Tatimi, punëdhënësi sekondar
- 10% e gjithë pagës që tatohet (puna e dytë).
- Paga neto
- Paga që tatohet minus tatimi.
Shembull, punë primare me 5% + 5%: bruto €700, pensioni €35,00 për secilin, paga që tatohet €665,00, tatimi €37,50 (€16,00 + €21,50), neto €627,50.
Për punëtorët që nuk e kanë detyrim kontributin pensional, si jorezidentët dhe të pensionuarit, pensioni nuk llogaritet.
Kalkulatori zyrtar i ATK-së «BN24», paga nga bruto në neto sipas Ligjit Nr. 08/L-142.
Manuali i EDI-së i ATK-së, lista e të punësuarve (pensionistët dhe jorezidentët).
Hapat në FiskPro
- 01Hap Pagat në fiskpro.com dhe shto punëtorët: emri, mbiemri, numri personal, data e fillimit, puna primare ose sekondare dhe paga bruto e dakorduar.
- 02Nëse je dakorduar për pagë neto, shkruaje te karta e punëtorit dhe FiskPro e gjen pagën bruto.
- 03Hap muajin: punëtorët aktivë dalin vetë. Ndrysho pagën bruto aty ku ka bonus ose muaj të pjesshëm.
- 04Nëse ka paradhënie ose këst kredie, shtoje te «Zbritje të tjera»: ul vetëm shumën që i paguhet punëtorit, jo tatimin dhe as listën për EDI.
- 05Shtyp «Finalizo muajin», pastaj shkarko «Lista për EDI (.xls)» dhe fletëpagesat.
- 06Në EDI: Deklaratat, [WM] e muajit, Deklaro, pastaj «Ngarko» skedarin. EDI e kontrollon listën dhe e llogarit tatimin vetë.
Çka të jep FiskPro
- Lista për EDI
- Skedari Excel (.xls) në shabllonin e ATK-së për [WM], një rresht për çdo punëtor.
- Totalet për [WM]
- Paga bruto, tatimi për t'u mbajtur, pensioni i punëtorëve dhe i punëdhënësit, dhe neto për t'u paguar.
- Fletëpagesat
- Një PDF për çdo punëtor, shqip dhe anglisht.
- Kujtesa
- Paneli të tregon muajin që ende s'është finalizuar.
- Korrigjimi
- Muaji i finalizuar ndryshohet vetëm me «Korrigjo», me arsyen. FiskPro të thotë nëse në EDI duhet korrigjim.
Kur dhe kush e dorëzon
Tatimi në paga dhe kontributet pensionale deklarohen çdo muaj, më së voni më 15 të muajit pasues: pagat e shtatorit, më 15 tetor. Datën e saktë e tregon EDI te lista e deklaratave.
Pagat i mban ti, ose kontabilisti yt kur e ke në FiskPro. Deklaratën [WM] në EDI e dorëzon ti ose kontabilisti: FiskPro nuk dorëzon asgjë në EDI.